| | 今日仍然很忙碌地在ward 幫忙, 醒目了一d, 識得找野做, 結果都為自己找了不少野來做, 今日一返到去冇耐就同另一名runner (support nurse) 講, 請佢將admission(病人入院) 的問history part 交俾我(if any), 因我未在這個病房做過, 嘻嘻, 冇耐, sister( 病房大大粒)就在很遠叫: 有冇同學? 哈哈, 終於都有admission la. 圓我心願, 都要多謝sister and runner, 如果唔係, 佢地會勁怏做左.今日很開心, 因為我自己發現了幾包水(生理salt 水), 跟住就上啦 !( 俾完病人一包, 再上一包), 很開心, 忡搵到一d 針來打, 忍唔住要讚自己叻叻, 但是我今天是第二個星期返工, 再唔醒dd就有d過份, 哈哈, 今日亦爭取了兩個dressing (洗傷口), 仲要一個係certofix( CVC, 駁去心臟的喉仔), 一個係Hickman( 與certofix 類似), 病人超醒目, 好在另一runner 比較清閑, 佢答應俾我做, 兼supervise 我做, 如果唔係就唔做得, 佢在treatment room (病房治療室)提醒我要有d自信, 不然就會給病人大我. 好彩, 都冇咩野, 做完第一個病人, 病人就同我講: 努力, 你做得到的! 好彩平日同佢(病人)的關係也不錯, 多謝她的鼓勵! 我會努力, 下次會再定d, planning 做好d, 做第二個病人時, 本來好地地, 點知有一清潔姐姐走入來想倒垃圾, runner miss 有禮貌地同佢講: 姐姐, 而家洗緊傷口, expose 左個傷口, 你轉頭先來做清潔啊! ( 因為喉仔直入心, 要極度無菌, 我做的時候也小心翼翼), 點知姐姐唔理, 照倒垃圾可也, 我見狀即用sterile gauze (無菌紗布)蓋住, runner miss 同姐姐講:唔係叫左你陣間先!, 點知姐姐可能以為佢係學生, 竟大聲反駁, 據"理"力爭 !! runner miss 雖然係新, 不過都係第五年的 RN (註冊護士), 唉, 好慘!
交更時見到mentor 返p, 原來我們對曬更, 好彩最後兩日同更, 佢知道我星期四係last day 後, 好似有d過意不去, 話來緊兩日要教我多d野, 我請佢教我睇case, 佢答應教我看cardiac case (心臟病病人的整個護理), wa, 好正, 好期待, 我要好好溫cardiac 的書啦, 等我可以明多d佢講咩, 知道要問甚麼問題, 我仲請佢多d問我書(考問我), 我喜歡人問我書, 甘我就知道自己唔識邊d. 嘻嘻, 我知道miss 有d唔好意思時, 我都有d唔好意思, 我唔係好識講野, 亦唔係好識做人, 不過我覺得, 我在medical (內科病房)兩星期都很fruitful, 無時無刻都在學習, 不只在mentor 教時才是學緊野, 加上我覺得每個在ward 的人也是我mentor, 加油, 努力 |
| | Posted 10/13/2009 5:58 PM - 10 Views - 0 eProps - 0 comments
- recommend
  - recs0
- share
- email
 - sent0
|
